Media Sosial?
Dikarang dening :
Oni Harnantyo
Kelas XII TKJ 2
Ana
ing tahun 2015 iki sapa kang ora ngerti media sosial kaya dene facebook,
twitter, lsp. Media sosial kui dudu barang kang kang asring ana ing remaja
jaman saiki. Meh kabeh remaja saben dinane aktif ana ing media sosial iki.
Nanging apa kui media kang pas kanggo remaja? Lan ngapa remaja luwih milih
media sosial ketimbang sosial kang sabenere?.
Media
sosial yaiku sarana kanggo njalin komunikasi marang kanca – kanca kayata kanca
kelas, kanca kerjaan, lsp sacara virtual / online. Ana ing media sosial para
penganggo bisa update apa kang lagi ana ing pikirane sawayah – wayah lan sapa
bae kang wis ana hubungan marang akun kang update bisa mangerteni. Ana ing kana
uga bisa interaksi kanthi cara komentar lan uga cara liyane.
“Ananging apa bener media sosial kang fungsine
kanggo interaksi kui bisa netepi guna sabenere?”
Miturut
survey cilik – cilikan, remaja aktif ana ing media sosial meh saben dina.
Apa amerga tren saengga para remaja iku saking
pengen bangeti aktif ana ing media sosial?
Aktif
ana ing media sosial sejam per dina wis nyita waktumu sejam ana ing dina kui.
Kang sakjane bisa digunakake kanggo bab –bab kang luwih produktif kayata sinau, maca buku, lsp. Waktu kui uga
bisa digunaake kanggo interaksi marang kanca-kancamu.
Ana
piro status lan tweet kang diupdate saben dina? Apa kang di update ing media
sosial? Yen kui arupa bab – bab kang apik ora masalah. Ananging, yen kang
diupdate kui mung ukara – ukara kang basa tren saiki “alay” apa kui ora mung
guwang waktu, tenaga, lan biaya. Apa gunane nongkrong ana ing warnet yen mung
update rana – rene bab kang ora karuan.
Ana
ing media sosial uwong kang saben dina aktif ora mung remaja ananging wong tua
uga akeh. Padahal mesti wong tua mau duwe pekerjaan, ananging malah sibuk
dolanan media sosial.
Media
sosial uga bisa dadi sarana kang ora becik. Akeh kasus bab SARA kang dumadi ana
ing facebook. Apa kui kang diarani media sosial? Apa kui tujuan anane media
sosial?. Ana kasus kang skalane luwih cilik yaiku kasus antar kanca kang padha
sindir – sindiran lan omong elek ana ing facebook.
Pengaruh
kang ditimbulke media sosial ana ing kalangan remaja parah banget. Para remaja
kang wis kecanduan media sosial cenderung luwih nutup pergaulan saka kanca kiwa
tengene lan milih aktif ana ing media sosial kang durung mesti kenal marang
kabeh kanca ing kana. Amarga ketagihan, remaja uga kelangan kepuasan interaksi marang wong kang
sabenere lan luwih milih interaksi lewat media sosial iki kang bentuke namung
layar hp utawa komputer. Remaja cenderung bisa gagap sosialisasi. Iki kang dadi
masalah paling utama kang ditimbulke media sosial.
Mula
iku, kita kudu nilik ana ing awake dewe. Kita kudu bijak nggunakake media
sosial iki. Yen media iki digunakake kanthi bijak uga akeh manfaate. Kontrol
marang awak dewe iku penting dilakoni. Aja di sia-siake kanca – kanca kang ana
ing sekitarmu. Singkirke bab – bab kang ana gayutane marang media media sosial
yen kui ora menyangkut urip matimu utawa penting banget.
0 Response to "Media Sosial? : Argumen basa jawa"
Post a Comment